Ўзбекистон Кубоги. “Бухоро” “Наманган ФА” дарвозасига жавобсиз бешта тўп киритди
Ўзбекистон Кубоги гуруҳ босқичининг 3-туридан ўрин олган “Бухоро” ва “Наманган ФА” ўртасидаги баҳс бўлиб ўтди ва унда мезбонлар йирик 5:0 ҳисобида ғалаба қозонди.
Дастлаб, ҳисоб 8-дақиқада Анваржон Жўраев томонидан очилди (1:0). 48-дақиқада эса Жўраев дублни расмийлаштирди (2:0).
58-дақиқада Билол Туплиев фарқни учтага етказган бўлса (3:0), 65-дақиқада Шоҳруз Норҳонов жамоасининг тўртинчи голига муаллифлик қилди (4:0).
Шунингдек, 90-дақиқада Фране Икич ҳам ўз номини таблога ёздириб қўйди (5:0).
Шу тариқа, “Бухоро” ушбу ғалабадан сўнг ўз очколари ҳисобини 6 тага етказиб олиб, кейинги босқичга йўл олди.
Ўзбекистон Кубоги | “Г” гуруҳи, 3-тур
“Бухоро” 5:0 “Наманган ФА”
Голлар: Анваржон Жўраев 8' (1:0), Анваржон Жўраев 48' (2:0), Билол Туплиев 58' (3:0), Шоҳруз Норҳонов 65' (4:0), Фране Икич 90' (5:0).
