O'zbekiston Kubogi. “Buxoro” “Namangan FA” darvozasiga javobsiz beshta to'p kiritdi
O'zbekiston Kubogi guruh bosqichining 3-turidan o'rin olgan “Buxoro” va “Namangan FA” o'rtasidagi bahs bo'lib o'tdi va unda mezbonlar yirik 5:0 hisobida g'alaba qozondi.
Dastlab, hisob 8-daqiqada Anvarjon Jo'rayev tomonidan ochildi (1:0). 48-daqiqada esa Jo'rayev dublni rasmiylashtirdi (2:0).
58-daqiqada Bilol Tupliyev farqni uchtaga yetkazgan bo'lsa (3:0), 65-daqiqada Shohruz Norxonov jamoasining to'rtinchi goliga mualliflik qildi (4:0).
Shuningdek, 90-daqiqada Frane Ikich ham o'z nomini tabloga yozdirib qo'ydi (5:0).
Shu tariqa, “Buxoro” ushbu g'alabadan so'ng o'z ochkolari hisobini 6 taga yetkazib olib, keyingi bosqichga yo'l oldi.
O'zbekiston Kubogi | “G” guruhi, 3-tur
“Buxoro” 5:0 “Namangan FA”
Gollar: Anvarjon Jo’rayev 8' (1:0), Anvarjon Jo’rayev 48' (2:0), Bilol Tupliyev 58' (3:0), Shohroz Norxonov 65' (4:0), Frane Ikich 90' (5:0).
