\"Ювентус\" Тудор билан шартномани узайтиради
Фото: Getty Images
“Ювентус“ жамоа бош мураббийи Игор Тудор билан янги шартнома имзолайди.
Фабрицио Романо хабарига кўра, келишув 2 йилга мўлжалланган бўлади. Тез орада расман шартнома имзоланади.
Шу тариқа, 47 ёшли мутахассис жамоада 2027 йилнинг ёзига қадар ишлайди. Унинг йиллик маоши 2 миллион еврони ташкил қилади.
Тудор Турин жамоасини 2025 йилнинг март ойида қабул қилиб олганди. У жамоа билан EЧЛ йўлланмасини қўлга киритди.
Аввалроқ Тудор жамоани тарк этиши борасида хабарлар тарқалганди. Бироқ раҳбарият хорватиялик мутахассисни қолдиришга қарор қилди.
Розикжон Султонмуродов
Журналист
