“Ювентус” Милик билан шартномани узайтирди
Фото: Getty Images
Польшалик ҳужумчи Аркадиуш Милик “Ювентус” билан шартномасини узайтирди. Бу ҳақда Турин клуби матбуот хизмати хабар берди.
Манбага кўра, Милик 2027 йилнинг ёзига қадар мўлжалланган янги шартномага имзо чеккан. У 2023 йилдан буён “кекса синьора” сафида ўйнаб келади. Ўтган йилнинг ёзида олган жароҳати сабаб футболчи жорий мавсумда бирорта ўйинда майдонга тушгани йўқ.
Эслатиб ўтамиз, “Ювентус” А Серия турнир жадвалида 62 очко тўплаган ҳолда 4-ўринда бормоқда.
