Юрий Уткулбаев: Бу ўйин бизга дарс бўлди
"Пахтакор" - "Каттақўрғон" (3:0) учрашувидан кейин "Каттақўрғон" бош мураббийи фикр билдирди.
photo: Kattaqo'rg'on FK
Ўзбекистон Кубоги гуруҳ босқичидан ўрин олган "Пахтакор" - "Каттақўрғон" (3:0) учрашувидан кейин матбуот анжумани ташкил этилди. Бунда "Каттақўрғон" бош мураббийи Юрий Уткулбаев иштирок этди.
"Биринчи навбатда рақибни ҳақли ғалаба ва кейинги босқичга чиққанлиги билан табриклайман. Бу ўйин бизга дарс бўлди, ўзимиз учун керакли хулоса чиқаришга ҳаракат қиламиз.
Стадионга жамоамизни қўллаб-қувватлаш учун келган мухлисларга раҳмат. Ижобий натижа кўрсатишга ҳаракат қилдик. Эндиликда ўз ўйинимизни янада яхшилаш устида иш олиб борамиз",-деди мутахассис.
Иброҳим Жалолов
Редактор
