Yuriy Utkulbaev: Bu o'yin bizga dars bo'ldi

O'zbekiston Kubogi guruh bosqichidan o'rin olgan "Paxtakor" - "Kattaqo'rg'on" (3:0) uchrashuvidan keyin matbuot anjumani tashkil etildi. Bunda "Kattaqo'rg'on" bosh murabbiyi Yuriy Utkulbaev ishtirok etdi.

"Birinchi navbatda raqibni haqli g'alaba va keyingi bosqichga chiqqani bilan tabriklayman. Bu o'yin bizga dars bo'ldi, o'zimiz uchun kerakli xulosa chiqarishga harakat qilamiz.

Stadionga jamoamizni qo'llab turish uchun kelgan muxlislarga rahmat. Ijobiy natija ko'rsatishga harakat qildik. Endilikda o'z o'yinimizni yanada yaxshilash ustida ish olib boramiz",-dedi mutaxassis.

Ibrohim Jalolov

Redaktor