Янги «Камп Ноу» стадионида Мессига ҳайкал ўрнатилиши мумкин

«Барселона» президенти Жоан Лапорта жамоанинг афсонавий собиқ футболчиси Лионел Месси шарафига янги «Камп Ноу» стадионида ҳайкал ўрнатишни режалаштираётганини маълум қилди.

«Лео Месси бундай шарафга тўла муносиб. Биз ҳайкал лойиҳасини ишлаб чиқамиз, унинг оиласи билан келишиб оламиз. Агар улар рози бўлса, бу ишни амалга оширамиз», — деди Лапорта.

Маълумот учун, Месси 2000 йилдан 2021 йилга қадар «Барселона» тизимида фаолият юритган. Аргентиналик юлдуз клуб тарихи бўйича энг кўп гол урган футболчи ҳисобланади — 778 та ўйинда 672 та гол.

Шу билан бирга, у жамоа сафида етти марта «Олтин тўп» совринини қўлга киритган.

Насрулло Каримов

Журналист