Яна бир жароҳат шов-шуви: Машарипов мавсумни тугатди, Ашурматов ҳам сафдан чиққан
Эрон матбуоти тарқатган маълумотларга кўра, "Эстеглал" клуби ва Ўзбекистон терма жамоаси футболчиси Жалолиддин Машариповда тиззасидаги олдинги айлана боғлам (крестсимон боғлам) узилиши аниқланган. Бу унга мавсум охиригача майдонга қайтиш имконини бермайди.
Ажабланарлиси шуки, футболчининг ўзига аввалига фақат 10 кунлик тикланиш талаб этилади, деб айтилган. Маълум бўлишича, Машарипов бу жароҳатни ҳали Туркияда бўлган пайтида олган, аммо ўша ерда унга нотўғри ташхис қўйилган. Теҳронга қайтгач эса жароҳат янада оғирлашган. Бу вазият "Эстеглал" мураббийи Рикарду Сапинтонинг қаттиқ ғазабига сабаб бўлди.
Футболчи йил охиригача клуб рўйхатидан чиқарилиши мумкин.
Яна бир сўнгги хабарга кўра, Ўзбекистон терма жамоаси ҳимоячиси Рустамжон Ашурматов ҳам бир неча ойга сафдан чиққан.
Қисқаси, эронлик шифокорлар ва клублар билан боғлиқ вазият юртдош футболчиларимиз учун яна катта синовга айланмоқда.
