Yana bir jarohat shov-shuvi: Masharipov mavsumni tugatdi, Ashurmatov ham safdan chiqqan
Eron matbuoti tarqatgan ma'lumotlarga ko'ra, "Esteghlal" klubi va O'zbekiston terma jamoasi futbolchisi Jaloliddin Masharipovda tizzasidagi oldingi aylana bog'lam (krestsimon bog'lam) uzilishi aniqlangan. Bu unga mavsum oxirigacha maydonga qaytish imkonini bermaydi.
Ajablanarlisi shundaki, futbolchining o'ziga avvaliga faqat 10 kunlik tiklanish talab etiladi, deb aytilgan. Ma'lum bo'lishicha, Masharipov bu jarohatni hali Turkiyada bo'lgan paytida olgan, ammo o'sha yerda unga noto'g'ri tashxis qo'yilgan. Tehronga qaytgach esa jarohat yanada og'irlashgan. Bu vaziyat "Esteghlal" murabbiyi Rikardu Sapintoning qattiq g'azabiga sabab bo'ldi.
Futbolchi yil oxirigacha klub ro'yxatidan chiqarilishi mumkin.
Yana bir so'nggi xabarga ko'ra, O'zbekiston terma jamoasi himoyachisi Rustamjon Ashurmatov ham bir necha oyga safdan chiqqan.
Qisqasi, eronlik shifokorlar va klublar bilan bog'liq vaziyat yurtdosh futbolchilarimiz uchun yana katta sinovga aylanmoqda.
