Ян Диоманд — «Реал» футболчиси (Романо)

«РБ Лейпциг» вингери Ян Диоманд фаолиятини Мадриднинг «Реал» клубида давом эттиради. Бу ҳақда таниқли инсайдер Фабрицио Романо хабар берди.

Манбага кўра, 26 июль куни «Реал» ва «РБ Лейпциг» трансфер бўйича тўлиқ келишувга эришган. Кот-д’Ивуарлик қанот ҳужумчисининг трансфер қиймати 100 миллион евродан ошади.

Диоманд шу ҳафта Мадридга келиб, тиббий кўрикдан ўтади ҳамда 2031 йилнинг июнига қадар мўлжалланган шартномага имзо чекади.

21 ёшли футболчи ўтган мавсум барча мусобақаларда 36 та учрашувда майдонга тушиб, 13 та гол ва 10 та голли узатма муаллифи бўлди.

Transfermarkt портали маълумотига кўра, Диоманднинг бозор қиймати 90 миллион еврога баҳоланмоқда.

Розикжон Султонмуродов

Журналист