Ямал: «Футбол ўйнар эканман, ҳаммасига эришаман»
«Барселона» ҳужумчиси келажакдаги орзулари ҳақида гапирди.
ФОТО: Getty Images
«Барселона» ва Испания миллий жамоаси ҳужумчиси Ламин Ямал келажакдаги энг катта орзулари ҳақида гапирди.
Унга кўра, футболчи Чемпионлар Лигаси, Жаҳон чемпионати ёки «Олтин тўп»дан қайси бирини кўпроқ қўлга киритишни хоҳлаши борасидаги саволга қуйидагича жавоб берди.
«Мен буларнинг барчасини хоҳлайман. Умид қиламанки, ҳаммасига эришаман. Ўйнашни давом эттирар эканман — бунинг имкони бор», — дея Ямалнинг сўзларини келтиради Marca.
Жорий мавсумда ёш иқтидор «Барселона» таркибида барча турнирларда 11 та ўйин ўтказиб, 6 та гол ва 6 та голли узатма қайд этган.
Ямалнинг «Барселона» билан амалдаги шартномаси 2031 йил ёзигача мўлжалланган. Transfermarkt маълумотига кўра, футболчининг бозор қиймати 200 миллион еврони ташкил этади.
Насрулло Каримов
Журналист
