ЯЧЛ. «Челси» ўз майдонида «Барселона»ни йирик ҳисобда мағлуб этди
УЕФА Чемпионлар лигаси умумий босқичининг 5-тури доирасида «Челси» ўз майдонида «Барселона»ни қабул қилди ва йирик 3:0 ҳисобида ғалаба қозонди.
Учрашувда ҳисоб 27-дақиқада очилди. Меҳмонлар ҳимоячиси Жюль Кунде кутилмаганда ўз дарвозасини ишғол қилиб қўйди. 55-дақиқада Эстевано устунликни мустаҳкамлади. 74-дақиқада эса Лиам Делап жамоасининг учинчи голига муаллифлик қилди.
Қайд этиш лозим, беллашувда лондонликларнинг учта голи турли сабабларга кўра инобатга олинмади. Каталонияликлар эса 44-дақиқадан бошлаб майдонда бир киши кам бўлиб ҳаракат қилишга тўғри келди.
Шу тариқа, ушбу ғалабадан сўнг «Челси» ўз очколари ҳисобини 10 тага етказиб олди ва умумий турнир жадвалининг юқори қисмида жой олди. «Барселона» эса 7 очко билан жадвалнинг ўрта қисмида бормоқда.
ЯЧЛ. 5-тур
«Челси» — «Барселона» 3:0
Голлар: Кунде (автогол, 27), Эстевано (55), Делап (74).
