Винисиус Пересга Алонсо сабаб шартномани узайтирмаётганини айтди - манба
Винисиус Жуниор «Реал» раҳбариятига бош мураббий Хаби Алонсо билан муносабатлар таранглича қолаётгани сабаб шартномани узайтиришни истамаслигини билдирган. Бу ҳақда The Athletic хабар бермоқда.
Манбага кўра, «учта ишончли суҳбатдош» ушбу маълумот ўтган ой охирида клуб президенти Флорентино Перес билан бўлган учрашувда етказилгани ҳақида маълумот берган. Уларнинг барчаси ўз муносабатларига зарар етмаслиги учун аноним қолишни сўрагани қайд этилган.
Эслатиб ўтамиз, кеча The Athletic Винисиус билан Алонсо ўртасида конфликт юзага келгани ҳақида ёзганди. Тахминларга кўра, зиддият Ла Лига 10-туридан ўрин олган «Барселона» (2:1)га қарши ўйинда футболчи иккинчи таймда алмаштирилгач бошланган. Ўша пайтда бразилиялик ўз норозилигини кескин тарзда билдиргани айтилади.
