«Виляьрреал» ва «Барселона» ўртасидаги ўйинга АҚШ мезбонлик қилади
Ўйин 20 декабрь санасига белгиланган.
ФОТО: Getty images
Ла Лига раҳбарияти 17-тур доирасидаги «Виляьрреал» — «Барселона» учрашуви 2025 йил 20 декабр куни АҚШнинг Флорида штатидаги Майами шаҳрида, «Hard Rock Stadium» аренасида ўтказилишини маълум қилди.
«Бу учрашув — Ла Лига ва бутун испан футболини янги босқичга олиб чиқаётган тарихий қадам. Биз бу қарор айрим эътирозларга сабаб бўлиши мумкинлигини тушунамиз, бироқ бу фақат мавсумдаги 380 ўйиндан бири, холос. Ла Лига бутун дунё бўйлаб миллионлаб мухлисларни бирлаштиради. Улар ҳам ўз жамоаларини тирик ҳолда кўриш имконига эга бўлишлари керак», — деди лига президенти Хавер Тебас.
Розикжон Султонмуродов
Журналист
