Виктор Гёкереш 75 миллион еврога “Арсенал”га ўтади - A Bola
Футбол
Насрулло Каримов
Журналист
ФОТО: Getty Images
Лондоннинг “Арсенал” клуби “Спортинг” марказий ҳужумчиси Виктор Гёкерешни сотиб олмоқчи. Бу ҳақда A Bola нашри хабар бермоқда.
Манбага кўра, “канонирлар” 26 ёшли футболчи билан 4 ёки 5 йиллик шартнома ва ҳар мавсум учун 8,3 миллион евролик маош бўйича келишиб олган. Лондонликлар ушбу трансфер учун “Спортинг”га 75 миллион евро тўлайди.
Маълумот учун, Гёкереш “Спортинг”да 2023 йилнинг июль ойидан буён ўйнаб келмоқда. У жорий мавсум барча турнирларда 50 та ўйинда майдонга тушиб, 52 та гол урди ва 13 та голли узатмани амалга оширди.
