Вальверде «Реал»нинг биринчи сардори бўлади
Мадриднинг «Реал» клуби яримҳимоячиси Федерико Вальверде ҳимоячи Даниэль Карвахал жамоани тарк этганидан кейин келаси мавсумда жамоанинг биринчи сардори этиб тайинланади. Бу ҳақда El Chiringuito кўрсатувига таянып, Mundo Deportivo нашри хабар бермоқда.
Манба берган маълумотларга кўра, уругвайлик футболчига ушбу қарор «Қироллик клуби» уни ярим ҳимоячи Аурельен Тчуамени билан муштлашгани учун 500 минг евро миқдорида жаримага тортганидан сўнг маълум қилинган. Шунингдек, «Реал»нинг иккинчи сардори ҳужумчи Винисиус Жуниор, учинчи капитани эса дарвозабон Тибо Куртуа бўлиши алоҳида таъкидланган.
Эслатиб ўтамиз, пайшанба, 7 май куни машғулот пайтида Вальверде ва Тчуамени ўртасида оғзаки низо келиб чиққан ва у кийиниш хонасида муштлашувга айланиб кетгани ҳақида хабарлар тарқалган эди. Тўқнашув натижасида уругвайлик футболчининг боши ёрилиб, шифохонага олиб кетилган эди.
