Вальверде икки-уч ҳафтага сафдан чиққан бўлиши мумкин
«Реал» Вальверденинг қачон сафга қайтиши ҳақида аниқ муддатни маълум қилмади.
ФОТО: Getty images
Мадриднинг «Реал» клуби ярим ҳимоячиси Федерико Вальверде жароҳат олди. Клуб матбуот хизмати уругвайлик футболчида тўпиқ боғламларининг учинчи даражали чўзилиши аниқланганини маълум қилди.
«Реал» Вальверденинг қачон сафга қайтиши ҳақида аниқ муддатни маълум қилмади. Бироқ AS нашри клуб уругвайлик футболчининг тикланиши учун тахминан икки-уч ҳафта керак бўлишини кутаётганини ёзди.
Агар тикланиш жараёни режа бўйича кечса, Вальверде «Реал»нинг навбатдаги ўйинларини ўтказиб юбормаслиги ҳам мумкин. Бунга сентябрь–октябрь ойларида терма жамоалар учун белгиланган уч ҳафталик танаффус сабаб бўлиши мумкин.
