U-17 Жаҳон чемпионати. Ўзбекистон Ирландияга қарши баҳсда камбек қурбони бўлди
U-17 Жаҳон чемпионати «Ж» гуруҳи 2-туридан ўрин олган баҳсда Ўзбекистон Ирландия билан баҳс олиб борди ва якунда 2:1 ҳисобига мағлубиятга учради.
Дастлаб ҳисоб 20-дақиқада Абубакир Шукурўллаев томонидан очилди. 33-дақиқада Гради МакДоннелл мувозанатни тиклади. 75-дақиқада эса Мишел Нунан ирландларга ғалаба тақдим этган гол муаллифига айланди.
Шу тариқа, Ўзбекистон ушбу натижадан сўнг ўз гуруҳида 3 очко билан иккинчи ўринда бормоқда. Ирландия эса 6 очко билан яққол пешқадамга айланди.
U-17 Жаҳон чемпионати. «Ж» гуруҳи, 2-тур
Ирландия — Ўзбекистон 2:1
Голлар: МакДоннелл (33), Нунан (75) — Шукурўллаев (20).
Ирландия — Нунан, Батлер, Финнеран, Ковалескис (Ожианвуна, 46), Леонард, Мартос, Макдонаг, Макдонелл (Браун, 54), Нунан М., Соланке, Уме.
Ўзбекистон — Рустамжонов, Ҳакимов, Баҳодирхонов, Ҳасанов (Саидов, 74), Ҳабибуллаев (Рустамов, 74), Содиқов, Анваров, Мусахонов, Абдумўминов (Алиев, 61), Шукурўллаев, Эримбетов (Мурадов, 84).
