ЦСКА Файзуллаевни қўйиб юборишга шошилмаяпти
«Истанбул Башакшехир» ўзбек футболчиси учун 7,5 миллион евро таклиф қилди, аммо россияликлар трансферга рози бўлмаяпти
Расм: Gazeta.uz
Ўзбекистон терма жамоаси ва Москва ЦСКА клуби ярим ҳимоячиси Аббосбек Файзуллаевнинг жамоани тарк этиши эҳтимоли ҳақиқий кўриниш ола бошлади. «Биринчи спорт» телеграм-канали тарқатган маълумотга кўра, Туркиянинг «Истанбул Башакшехир» клуби 21 ёшли футболчини харид қилиш ниятида ва унинг учун 7,5 миллион евро таклиф қилган. Бу суммага эҳтимолий бонуслар киритилмаган.
Маълумот ўрнида, Файзуллаев 2023 йил август ойида Тошкентнинг «Пахтакор» клубидан ЦСКАга 500 минг евро эвазига ўтган эди. Агар мазкур келишув амалга ошса, россияликлар футболчи учун сарфлаган маблағни 14 баробар ошириб, тахминан 7 миллион евро фойда кўради. Шу боис, ЦСКА клуби ҳозирча унинг кетишига розилик бермаяпти.
Бакрадзе Иман
Редактор