ЦСКА афсонаси Файзуллаевни қаттиқ танқид қилди
Ўзбекистон терма жамоаси ярим ҳимоячиси Аббосбек Файзуллаев танқид остига тушди. Москвадаги ЦСКА жамоасининг 60-йилларда тўп сурган собиқ ҳимоячиси Владимир Пономарев унинг Туркияга кетиши ҳақидаги хабарларга муносабат билдириб, Файзуллаевни тезроқ сотиш кераклигини айтди.
«У бутунлай ҳеч нарса эмас», – деб айтди ЦСКАнинг собиқ футболчиси ўзбек футболчиси Аббосбек Файзуллаев ҳақида.
Пономаревнинг фикрича, Файзуллаевнинг ўйини Россия Премьер-Лигасининг етакчи клуби талабларига жавоб бермайди. «Файзуллаев кетаверсин, илтимос. У топ жамоа учун футболчи эмас», – деди у.
Унга кўра, футболчининг ўйин услуби ҳали етарлича шаклланмаган ва ЦСКА асосий таркиби учун камлик қилади. Шунингдек, жамоада Файзуллаев ўрнини эгаллай оладиган ёшлар борлигини таъкидлади. «Бизда ундан кўра қизиқроқ йигитлар бор. Кисляк ёритилди, яна икки-уч нафар футболчи Аббосни бемалол алмаштиради. У бутунлай ҳеч ким. Бизнинг жамоа учун у мос эмас», – деди Пономарев.
Бироқ, бу танқид футболчининг ҳақиқий статистикасига зид келади. Якунига етган мавсумда 21 ёшли Аббосбек Файзуллаев ЦСКА сафида 39 учрашувда майдонга тушиб, 3 та гол ва 8 та голли узатма амалга оширган. Бу кўрсаткичлар уни жамоадаги эътиборли футболчилар қаторига қўшади.
