Иван Таранов Файзуллаевнинг эҳтимолий кетиши ҳақида фикр билдирди
«Агар у ривожланишни бошқа чемпионатда кўрса…»
Расм: championat.com
ЦСКАнинг собиқ ҳимоячиси Иван Таранов ўзбекистонлик яримҳимоячи Аббосбек Файзуллаевнинг жамоани тарк этиши мумкинлиги борасида фикр билдирди.
— Бу ерда энг муҳими — ўзи Файзуллаев нима ҳақда ўйлаяпти? Агар у ривожланиш учун бошқа чемпионат мақбул деб ҳисобласа, ЦСКА уни қўйиб юбориши керак. Аммо у Россияда қолишни ва жамоага садоқатини намоён қилишни истаса, шундай футболчини сақлаб қолиш учун барча чораларни кўриш лозим, — деди Таранов.
Шунингдек, мутахассис Файзуллаевнинг келажагини янги тактик схемага боғлаб баҳолаш нотўғри эканини таъкидлади:
— Тактик тузилма фақат қоғозда. Аслида ўйинни футболчилар яратади. Ҳар бир қарор майдонда бир лаҳзада қабул қилинади. Шунинг учун ҳақиқий профессионаллар турли схемаларга мослаша олишлари керак.
Бакрадзе Иман
Редактор