Трент Александр-Арнольд “Реал” сафида клублар ўртасидаги Жаҳон чемпионатида иштирок этади
Мадриднинг “Реал” клуби ўнг қанот ҳимоячиси Трент Александр-Арнольд клублар ўртасидаги Жаҳон чемпионатида иштирок этиш ҳуқуқига эга бўлди. Футболчи испан гранди билан 2025 йилнинг 1 июнидан кучга кирадиган шартнома имзолади.
Клублар ўртасидаги Жаҳон чемпионати 15 июндан 13 июлга қадар АҚШда бўлиб ўтади. Турнирнинг гуруҳ босқичида 6 та конференциядан 32 та жамоа 8 гуруҳга бўлинган ҳолда иштирок этади.
Ҳар бир гуруҳдан иккита энг яхши жамоа плей-офф босқичига йўл олади. Финал ўйини 13 июль куни Нью-Жерси штатидаги Шарқий Рутерфорд шаҳридаги “MetLife” стадионида бўлиб ўтади. Турнирнинг соврин жамғармаси 1 миллиард долларни ташкил қилади.
Маълумот учун, Трент “Ливерпуль” клуби тарбияланувчиси ҳисобланади. У 2016 йилда асосий жамоада дебют қилган. Трент мерсисайдликлар билан кўплаб совринлар, жумладан, Чемпионлар Лигасида ҳам ғолиб чиққан.
