Трент Александер-Арнолд «Реал»га ўтиши арафасида — шартнома келишилган
Расм: gettyimages.com Трент Александер - Арнолд
Мадриднинг «Реал» клуби «Ливерпул» ва Англия терма жамоаси ҳимоячиси Трент Александер-Арнолд билан беш йиллик шартнома бўйича келишувга эришди. Бу ҳақда инсайдер Фабрицио Романо ижтимоий тармоқда хабар берди.
Манбага кўра, испанияликлар трансферни расмийлаштириш учун ҳужжатлар тайёрлашни бошлаб юборган. Илгари хабар берилганидек, 25 ёшли футболчи 2025 йил ёзида эркин агент сифатида «Реал»га ўтади — у «Ливерпул» билан 30 июн куни амалда бўлган шартномасини тугатади.
5 май куни Александер-Арнолд болалигидан бери ўйнаб келган инглиз клубини тарк этишини расман эълон қилди.
Шунингдек, «Реал» раҳбарияти футболчи клублар ўртасидаги жаҳон чемпионати-2025 бошланишидан аввал жамоага қўшилишидан умидвор. Турнир 15 июндан 13 июлгача АҚШда бўлиб ўтади.
Бакрадзе Иман
Редактор
