Тожикистон клуби Ўзбекистон термаси ҳимоячисини сотиб олмайди
Расм: gettyimages.com
«Истиқлол» клуби «Рубин» ва Ўзбекистон терма жамоаси ҳимоячиси Рустам Ашурматовни сотиб олишдан воз кечди. Бу қарор футболчининг юқори трансфер нархи билан боғлиқ.
Тожикистон клуби расман таклиф юборган, аммо «Рубин» томонидан қўйилган молиявий шартлар «Истиқлол»ни қониқтирмаган. Манбаларга кўра, қозонликлар футболчини режага қўшмаган ва уни сотиш орқали даромад олишни мақсад қилган.
27 ёшли ҳимоячига қизиқиш билдирган яна бир жамоа — Фарғонанинг «Нефтчи» клуби эди. Қишда томонлар деярли келишиб бўлган, аммо келишув «Рубин» ташаббуси билан сўнгги пайтда бекор қилинган.
Шу билан бирга, манбалар ёзишича, ёзда вазият ўзгариши мумкин. Агар манфаатли таклиф тушса, «Рубин» музокараларни давом эттиришга тайёр.
Бакрадзе Иман
Редактор