Томас Парти \"Арсенал\"ни тарк этди
Фото: Getty Images
Ганалик ярим ҳимоячи Томас Парти Лондоннинг "Арсенал" клуби билан шартномаси муддати тугаганидан сўнг тарк этди.
Фабрицио Романонинг сўзларига кўра, қарор 10 кун олдин келишилган ва бугун Партининг "канонирлар" либосидаги сўнгги куни эди.
Аввалроқ унга “Атлетико” клуби жиддий қизиқиш билдираётганди. Бироқ “матрасчилар” футболчи бўйича келиша олмаган.
"Арсенал" Партини 2020 йилда "Атлетико"дан 50 миллион еврога сотиб олганди. У жорий мавсумда 52 та ўйинда 4 та гол урди ва 2 та голли узатмани амалга оширди.
Розикжон Султонмуродов
Журналист
