Тезкор! Криштиану Роналду АПЛга қайтиши мумкин
Футбол
Насрулло Каримов
Журналист
ФОТО: Getty Images
Португалия терма жамоаси ва Саудиянинг “Ан-Насср” клуби ҳужумчиси Криштиану Роналду фаолиятини яна АПЛда давом эттириши мумкин. Бу ҳақда Sport Bible журналиси Носир Жаббор хабар бермоқда.
Манбага кўра, Роналду 2025 йилги клублар ўртасидаги Жаҳон чемпионатида иштирок этиш учун “Ан-Насср”ни тарк этиш ҳақида ўйламоқда. Ҳужумчига “Манчестер Сити” ва “Челси” қизиқиш билдирмоқда.
Қайд этилишича, Роналду ушбу клублардан бири билан турнирда иштирок этиш учун бир ойлик шартнома имзолаши мумкин.
Эслатиб ўтамиз, португалиялик футболчи аввалроқ яна бир инглиз гранди “Манчестер Юнайтед”да узоқ вақт тўп сурган ва Чемпионлар Лигасида ғолиб чиққан.
