Таниқли бразилиялик агент «Реал» Мбаппе ва Неймарни Винисиусга алмаштириши мумкин бўлганини айтди
Бразилиялик агент Андре Карри маълум қилишича, Мадриднинг «Реал» клуби Франциянинг «ПСЖ» жамоасида тўп сураётган ҳужумчилар - Неймар ва Килиан Мбаппени ўз сафига қўшиб олишга уринишлар қилган. Мазкур эҳтимолий келишув доирасида мадридликлар ўз ҳужумчиси Винисиус Жуниорни алмашув тарзида таклиф қилишга тайёр бўлишган.
Агентнинг сўзларини RMC Sport телеканали келтирган. Карри шундай деган: «Ҳа, «Реал» Мбаппе ва Неймарни олишга уринган, ва ўшанда Винисиусни алмашув учун таклиф қилишган. Ўша пайтда у асосий таркиб ўйинчиси эмасди, лекин улкан салоҳиятга эга эди. Мен бу воқеани биламан, чунки Леонардо (ПСЖнинг собиқ спорт директори) менга Жуниор унга ёқишини айтган».
Неймар 2023 йили «ПСЖ» билан шартномасини узайтирмади ва Саудия Арабистонининг «Ал-Ҳилол» клубига ўтди. Мбаппе эса 2024 йил ёзида «Реал» ўйинчисига айланди. Винисиус эса 2018 йилдан бери «Реал» сафида тўп сурмоқда.
