Суперкомпьютер «Арсенал»нинг АПЛдаги имкониятларини баҳолади

Лондоннинг «Арсенал» клуби Англия Премьер-лигаси турнир жадвалида ишончли етакчилик қилмоқда.

Якшанба куни «канонирлар» «Тоттенхэм»ни 4:1 ҳисобида мағлуб этди ва асосий рақиби «Челси»дан фарқни олти очкога етказди.

Opta суперкомпьютери ҳисоб-китобларига кўра, Микел Артета жамоасининг орзу қилинган чемпионлик унвонини қўлга киритиш эҳтимоли ҳозир 75,56%. Иккинчи энг яқин номзод — «Манчестер Сити» (14,3%), учинчи — «Челси» (3,88%). «Ливерпуль»нинг олтинни ҳимоя қилиш имконияти жуда кам — атиги 2,13%.

Кейинги якшанба, 30 ноябрь куни, «Арсенал» сафарда «Челси»га қарши майдонга чиқади. «Тўпчилар» Англия чемпионати олтин медалларини охирги марта 2004 йилда қўлга киритган эди.

Насрулло Каримов

Журналист