Superkompyuter «Arsenal»ning APLdagi imkoniyatlarini baholadi
Hozirda londonliklar turnir jadvalida peshqadamlik qilmoqda.
FOTO: Getty Images
Londonning «Arsenal» klubi Angliya Premer-ligasi turnir jadvalida ishonchli yetakchilik qilmoqda.
Yakshanba kuni «kanonirlar» «Tottenhem»ni 4:1 hisobida mag‘lub etdi va asosiy raqibi «Chelsi»dan farqni olti ochkoga yetkazdi.
Opta superkompyuteri hisob-kitoblariga ko‘ra, Mikel Arteta jamoasining orzu qilingan chempionlik unvonini qo‘lga kiritish ehtimoli hozir 75,56%. Ikkinchi eng yaqin nomzod — «Manchester Siti» (14,3%), uchinchi — «Chelsi» (3,88%). «Liverpul»ning oltinni himoya qilish imkoniyati juda kam — atigi 2,13%.
Keyingi yakshanba, 30 noyabr kuni, «Arsenal» safarda «Chelsi»ga qarshi maydonga chiqadi. «To‘pchilar» Angliya chempionati oltin medallarini oxirgi marta 2004 yilda qo‘lga kiritgan edi.
Nasrullo Karimov
Jurnalist
