Спорт юлдузлари учун омадсиз кун: Месси, Роналду ва Леброн Жеймс мусобақалар билан хайрлашишди
30 апрелдан 1 майга ўтар кечаси спорт оламидаги энг машҳур юлдузлар учун омадсиз якун топди. Лионел Месси, Криштиану Роналду ва Леброн Жеймс ўз жамоалари билан катта мусобақаларни тарк этди.
КОНКАКАФ Чемпионлар Лигасининг ярим финали жавоб баҳсида Мессининг «Интер Майами» жамоаси канадалик «Ванкувер»га 1:3 ҳисобида ютқазди. Илк учрашувда ҳам АҚШ клуби 0:2 мағлуб бўлган эди.
Шу куннинг ўзида Роналдунинг «Ал-Наср» жамоаси Осиё Чемпионлар Лигасининг финалига чиқа олмади. Саудия клуби Япониянинг «Кавасаки Фронтале» жамоасига 2:3 ҳисобида мағлуб бўлди. Ҳам Месси (37 ёш), ҳам Роналду (40 ёш) тўлиқ ўйин ўтказишди.
Бошқа қитъада эса Леброн Жеймс бошчилигидаги «Лос-Анжелес Лейкерс» жамоаси МБА плей-оффининг биринчи босқичини тарк этди. Улар бешинчи ўйинда «Денвер Наггетс»га 106:108 ҳисобида ютқазишди. Леброн 30 очко билан жамоасининг энг самарали ўйинчиси бўлди. Эслатиб ўтамиз, ўтган мавсумда ҳам «Лейкерс» айнан «Денвер»га ютқазганди — ўшанда ярим финалда.
