Сон Хён Мин фаолиятини Саудия Арабистонида давом эттириши мумкин
ФОТО: Getty Images
“Тоттенҳем” клуби ҳужумчиси Сон Хён Мин фаолиятини Саудия Арабистонида давом эттириши мумкин. Бу ҳақда The Sun нашри хабар бермоқда.
Манбага кўра, саудияликлар футболчи Лондон жамоаси билан Европа Лигасида ғолиб чиққанидан сўнг унинг Англиядаги саргузашти якунига етди, деб ҳисобламоқда.
Португалиялик ҳужумчи Криштиану Роналду “Ан-Наср”ни тарк этишга яқин турибди, шунинг учун Саудия чемпионати ўз брендини янада тарғиб қилиш учун янги юлдуз қидирмоқда. Сон эса бу вазифани бажариши мумкин.
Маълумот учун, Сон Хён Мин 2015-йилдан буён “Тоттенҳем”да ўйнаб келмоқда. У жорий мавсум барча турнирларда 46 та ўйинда майдонга тушиб, 11 та гол урди ва 12 та голли узатмани амалга оширди.
Насрулло Каримов
Журналист
