Шомуродовнинг устози ўзининг “Рома”даги келажагига ойдинлик киритди
ФОТО: Getty Images
“Рома” бош мураббийи Клаудио Раньери мавсум якунланганидан сўнг қандай фаолият билан шуғулланиши ҳақида маълум қилди.
Ўтган йилнинг ноябр ойида айтиб ўтилганидек, Раньери шартномаси тугагач, айнан шу клубда маъмурий лавозимга ўтади.
“Мен бош маслаҳатчи бўламан. Клуб учун йўл кўрсатувчи бўлишимни биламан - нима тўғри, нима нотўғри эканлигини маслаҳат бераман.
Бироқ, якуний қарорни клуб эгаси қабул қилади. Мухлислар шунни билишлари керакки, агар фикрим инобатга олинмаса, фақат шундагина кетаман. Бугун ўзимни лойиҳанинг марказида ҳис қилаяпман,” - дейди мутахассис.
Шунингдек, римликлар мураббийи янги мураббий излаш ишлари якунланаётганини қўшимча қилди. Бироқ, аниқ номзодларнинг кимлиги айтилмади.
Насрулло Каримов
Журналист
