Шомуродовга А Сериянинг ўзидан харидор чиқди
ФОТО: Getty Images
Ўзбекистон миллий терма жамоаси ва Римнинг “Рома” клуби ҳужумчиси Элдор Шомуродов ёзги трансферлар вақтида жамоасини ўзгартириши мумкин.
Sport Italia нашрининг хабар беришича, 29 ёшли футболчимизга келаси мавсум А Серияда тўп суриши кутилаётган “Кремонезе” клуби қизиқиш билдирмоқда.
Манбага кўра, “Рома” Шомуродовни молиявий муаммоларни тартибга солиш мақсадида 30-июнга қадар сотиб юборишни мақсад қилган. Ҳамюртимизнинг “бўрилар” билан тузган амалдаги шартномаси 2026 йилнинг ёзида якунга етади.
Маълумот учун, Шомуродов ўтган мавсум “Рома” сафида жами 37 та ўйинда майдонга тушиб, 7 та гол урди ва 5 та голли узатмани амалга оширди. Унинг Transfermarkt'даги баҳоси 5 миллион евро деб баҳоланмоқда.
Насрулло Каримов
Журналист
