Шомуродов фаолиятини Саудияда давом эттириши мумкин – ОАВ
Бу ҳақда “Metaratings” нашри хабар берди.
Фото: ЎФА
Ўзбекистон миллий терма жамоаси ва Туркиянинг “Истанбул Башакшеҳир” клуби ҳужумчиси Элдор Шомуродов фаолиятини Саудия Арабистонида давом эттириши мумкин. Бу ҳақда “Metaratings” нашри хабар берди.
Манбага кўра, ўзбекистонлик ҳужумчига Саудия Арабистонининг бир нечта клублари қизиқиш билдирмоқда. Шомуродов эса ҳозирда Туркияда ўзини яхши ҳис қилмоқда. Бироқ агар унга молиявий жиҳатдан манфаатли таклиф тушса, клубини ўзгартиришга тайёр. Элдор янги жамоасида йилига тахминан 3 миллион евро маош олишни истамоқда.
“Истанбул Башакшеҳир” ўзбекистонлик футболчининг трансферидан 8,5 миллион евро ишлаб олишни режалаштирмоқда.
Розикжон Султонмуродов
Журналист