Шомуродов бу кўрсаткич бўйича А Серияда 3 ўринда кетмоқда
Футбол
Тиллахонов Оқилхон
Фото: Global Look Press
Гап шундаки Элдор А Серияга келганидан буён лиганинг энг самарали захирадан майдонга тушадиган футболчиларидан бири сифатида танилган.
29 ёшли ҳужумчи А Сериянинг 31-туридан ўрин олган баҳсда «Ювентус»га қарши ўйинда (1:1) жамоасини мағлубиятдан қутқарди.
Танаффусдан сўнг Элдор ўйинга қўшилди ва 49-дақиқада гол урди. Унинг зарбаси «Рома» учун қимматли бир очкони таъминлади.
La Gazzetta dello Sport нашри маълумотига кўра, 2020/21 йилги мавсумдан буён А Серияда фақат икки футболчи захирадан майдонга тушгач Элдордан кўпроқ гол урган:
• Лаутаро Мартинес («Интер») — 16 гол
• Педро («Лацио») — 11 гол
Шомуродов эса 10 та гол билан бу рўйхатда 3-ўринни эгаллаб турибди.
