Саудияликлар Роберт Левандовскига катта маошли суперконтракт таклиф қилмоқчи
Бироқ «Барселона» поляк ҳужумчисини жамоада сақлаб қолмоқчи.
ФОТО: Getty Images
Саудия Арабистонининг Суверен инвестиция жамғармаси (Public Investment Fund, PIF) — «Ал Ҳилол», «Ан Наср», «Ал Ахли» ва «Ал Иттиҳод» клублари эгаси — келаси ёзда «Барселона» ҳужумчиси Роберт Левандовскини сотиб олиш имкониятини кўриб чиқмоқда. Бу ҳақда Mundo Deportivo хабар берди.
Манбага кўра, футболчига катта маошли суперконтракт таклиф қилиниши кутилмоқда. Шунга қарамай, «Барселона» поляк ҳужумчисини жамоада сақлаб қолмоқчи.
Левандовскининг клуб билан амалдаги шартномаси 2026 йил июн ойида якунланади.
Жорий мавсумда Левандовски барча мусобақалар доирасида 16 та ўйинда майдонга тушиб, 8 та гол урди ва 1 та голли узатма берди.
Насрулло Каримов
Журналист
