Салиба «Арсенал» билан янги шартнома имзолади
Шартнома 5 йил муддатга тузилган ва 2030 йилгача амал қилади.
Фото: Арсенал ФК
«Арсенал» клуби франциялик ҳимоячиси Уильям Салиба билан янги шартнома имзолади. Бу ҳақда клубнинг расмий саҳифасида маълум қилди.
Унга кўра, шартнома 5 йил муддатга тузилган ва 2030 йилгача амал қилади.
«Мен ўзим билан фахрланаман, чунки мен биринчи марта 2019 йилда шартнома имзолагандим ва ҳозир ҳам шартномамни узайтириш учун шу ердаман.
Мен ўзимни уйдагидек ҳис қиламан. Бу ер энг яхши жой ва мен бу кўйлакни кийиш имконига эга бўлган ҳар кунимдан завқланаман», - деган Салиба.
Маълумот учун, олдинроқ ушбу футболчининг хизматларига Мадриднинг «Реал» клубидан қизиқишлар бўлаётганди.
Розикжон Султонмуродов
Журналист
