Рубен Аморим мухлислар қаршисида таъсирли нутқ сўзлади
“Манчестер Юнайтед” бош мураббийи Рубен Аморим АПЛ сўнгги тури доирасида “Олд Траффорд”да “Астон Вилла” устидан 2:0 ҳисобида қўлга киритилган ғалабадан сўнг, мухлислар қаршисида нутқ сўзлади:
"Аввало, бу мавсум учун узр сўрайман. Мен ҳам бутун жамоа каби хафа бўлдим. Сизга раҳмат айтмоқчиман. Мавсум давомида қўллаб-қувватлаганингиз учун жуда миннатдормиз.
Биламан, бу жуда қийин эди, лекин энди биз танлов қилишимиз керак. Биз ўтмишда қолиб кетишимиз мумкин – бу мавсум аллақачон ўтмишда – ёки биз биргалашиб, олдинга интиламиз.
Олти ой аввал, дастлабки учта ўйиндан кейин – иккита ғалаба ва дурангдан сўнг, мен бўрон яқинлашиб келаётганини айтган эдим. Бугун, ушбу ҳалокатли мавсумдан сўнг, мен сизга айтомоқчиман: яхши кунлар келади.
Агар дунёда ҳар қандай вазиятдан, ҳар қандай фалокатдан омон қолишини исботлаган клуб бўлса, бу бизнинг клуб – "Манчестер Юнайтед".
Энди футболчиларимдан узр сўрамоқчиман. Ба'зида мен адолатсиз бўлдим, лекин мен сизлар билан доимо адолатли бўлишга ҳаракат қилдим.
Катта раҳмат. Кейинги мавсумгача."
