Ўртоқлик учрашуви. «Барселона»дан йирик ғалаба
Каталонияликлар янги мавсумдаги илк расмий ўйинини 23 август куни «Элче»га қарши ўтказади.
ФОТО: Getty images
«Барселона» янги мавсумга тайёргарликни бошлади. 24 июл куни Ҳанс-Дитер Флик шогирдлари ёзги йиғин доирасидаги илк ўртоқлик учрашувини ўтказди.
«Кўк-анорранглилар»нинг рақиби Барселона шаҳрида жойлашган «Европа» клуби бўлди. Ушбу жамоа Испания футболининг 3-дивизионида иштирок этади.
«Барселона» ва «Европа» ўртасидаги учрашув ёпиқ тартибда ўтказилди. Флик шогирдлари 4:1 ҳисобида йирик ғалабага эришди.
Маълумот ўрнида, каталонияликлар янги мавсумдаги илк расмий ўйинини 23 август куни «Элче»га қарши ўтказади.
Ўртоқлик учрашуви.
Барселона – Европа 4:1
Розикжон Султонмуродов
Журналист
