Ўртоқлик ўйини. Мессининг хайрлашув баҳсида Аргентина Бенин устидан ғалаба қозонди
Ўртоқлик ўйини. Мессининг хайрлашув баҳсида Аргентина Бенин устидан ғалаба қозонди
Аргентиналик ҳужумчи миллий жамоадаги сўнгги баҳсида гол уриб, яна иккита голли узатма муаллифига айланди.
Аргентина миллий жамоаси Бенинга қарши ўртоқлик баҳсида 3:0 ҳисобида ғалаба қозонди. Буэнос-Айресдаги «Монументал» стадионида ўтган беллашув Лионел Месси учун миллий жамоадаги сўнгги баҳс бўлди.
Аргентина ҳисобни 48-дақиқада Николас Отаменди орқали очди. 61-дақиқада яримҳимоячи Нико Пас фарқни оширди. 71-дақиқада эса Месси пенальтини аниқ амалга ошириб, учрашувдаги якуний ҳисобни ўрнатди.
Месси бундан ташқари, Отаменди ва Паснинг голларига голли узатма берди. Шу тариқа аргентиналик футболчи миллий жамоадаги сўнгги баҳсини гол ва иккита ассист билан якунлади.
Месси Аргентина миллий жамоасидаги дебютини 2005 йил августида Венгрияга қарши баҳсда ўтказган. У жамоа сафида 208 та баҳсда майдонга тушиб, 125 та гол ва 68 та голли узатмага муаллифлик қилган.
Маълумот учун, Месси Аргентина билан 2022 йилги жаҳон чемпионати, 2021 ва 2024 йиллардаги Америка Кубоги ҳамда 2022 йилги Финалиссимада ғолиб чиққан.
Эслатиб ўтамиз, Месси 2026 йилги жаҳон чемпионатидан сўнг Аргентина миллий жамоасидаги фаолиятини якунлашга қарор қилганини ижтимоий тармоқларда эълон қилган эди.
Ўртоқлик ўйини
Аргентина — Бенин 3:0
Голлар: Николас Отаменди 48, Нико Пас 61, Лионел Месси 71 (пен).
Огоҳлантириш: Николас Отаменди 44.
Аргентина: Эмилиано Мартинес — Николас Тальяфико (Факундо Медина, 52), Кристиан Ромеро (Эсекиел Паласиос, 79), Агустин Хай, Николас Отаменди (Лисандро Мартинес, 52), Энсо Фернандес (Франко Мастантуоно, 79), Родриго де Пауль (Нико Пас, 59), Алексис Мак Аллистер (Жованни Ло Чельсо, 79), Лаутаро Мартинес (Леонел Флорес, 78), Лионел Месси, Хулиан Альварес (Нико Гонсалес, 60).
Бенин: Марсель Данджину (Сатурнин Алльягбе, 76), Муҳаммад Тижани, Лиам Омор, Йохан Роше (Самаду Аттиджику, 90), Тамиму Ууру (Жодель Доссу, 75), Ямиру Ууру (Жуниор Олугбаде, 64), Родольфо Алоко (Сахид Нгоби, 90), Жуниор Олайтан (Маттео Акслинви, 64), Сесси Д’Алмейда, Хасан Имуран (Амиро Амаду, 90), Тосин Айегун (Шарлеман Азонгилонде, 75).
