Роналду замонамизнинг энг кучли уч нафар футболчиси кимлигини айтди
Футбол
Насрулло Каримов
Журналист
ФОТО: Getty Images
Португалия терма жамоаси ва Саудиянинг “Ан-Насср” клуби ҳужумчиси Криштиану Роналду замонавий футболнинг энг яхши уч нафар футболчиси кимлигини айтди.
“Уч нафар энг яхши футболчини санайдиган бўлсам, ўзимни, Лионел Месси ва Зинедин Зиданни танлаган бўлардим”, - дейди Роналду Give me Sport нашрига берган интервьюсида.
Маълумот учун, Криштиану жорий мавсум клуб сафида жами 33 та ўйинда майдонга тушиб, 28 та гол урди ва 4 та голли узатмани амалга оширди. Унинг Transfermarkt'даги нархи 12 миллион евроға баҳоланмоқда.
