Роналду «Ан Наср» сафида сўнгги уч йил ичида 13 турнирни бой берди
Португалиялик юлдузнинг саудияликлар билан тузган шартномаси 2027 йилнинг ёзида якунга етади.
ФОТО: Getty Images
Саудия Арабистони Қирол кубоги
28.10.2025, Як.
Аль-Наср Эр-Рияд
1
Аль-Иттихад
2
«Ан Наср» ҳужумчиси ва сардори Криштиану Роналду сўнгги уч йил давомида Саудия клуби сафида 13 та турли мусобақаларда зафар қучиш имкониятини қўлдан бой берди.
28 октябрь, сешанба куни «Ан Наср» Саудия Қирол Кубоги 1/8 финал босқичида «Ал Иттиҳод»га 1:2 ҳисобида мағлуб бўлди.
40 ёшли португалиялик юлдуз «Ан Наср» билан фақат бир марта — 2023 йилда Араб Чемпионлар Кубогини қўлга киритган. Бироқ бу мусобақа расмий турнир эмас, балки ўртоқлик мақомига эга эди.
Маълумот учун, Роналдунинг «Ан Наср» билан тузган амалдаги шартномаси 2027 йилнинг ёзига қадар амал қилади. Унинг Transfermarkt'даги нархи 12 миллион евроға баҳоланмоқда.
Насрулло Каримов
Журналист
