Роналд Куман: «Танқидларга парво қилмайман»
Нидерландия плей-оффда мағлуб бўлиб, турнирни тарк этди.
ФОТО: Getty images
Жаҳон чемпионати
29.06.2026, Як.
Нидерландия
1
Марокаш
1
Роналд Куман 2026 йилги жаҳон чемпионатидан чиқиб кетганидан сўнг Нидерландия манзилига янграётган танқидларга муносабат билдирди.
Мутахассис жамоанинг тактик танловлари атрофидаги муҳокамаларга изоҳ бериб, ташқи танқидларга эътибор қаратмаслигини таъкидлади.
«Бутун Нидерландия биз беш нафар ҳимоячи билан ўйнашимиз кераклигини айтарди. Биз беш ҳимоячи билан ўйнадик — барибир танқид қилишди. Яна бир бор айтаман: танқидларга парво қилмайман», — деди Куман флеш-интервьюда.
Эслатиб ўтамиз, Нидерландия терма жамоаси ЖЧ-2026 билан 1/16 финал босқичида хайрлашди. Жамоа Марокашга қарши асосий ва қўшимча вақтда 1:1 ҳисобида дуранг ўйнаган бўлса, пенальтилар сериясида 3:4 ҳисобида мағлубиятга учради.
