\"Рома\" Сантуга икки йиллик шартнома таклиф қилди
Фото: Getty Images
"Рома" жорий мавсум якунида жамоани тарк этадиган Клаудио Ранерининг ўрнига янги бош мураббий қидирмоқда. Бу ҳақда Relevo хабар берди.
Қайд этилишича, бу лавозимга асосий даъвогарлардан бири “Ноттингем Форест” устози Нуно Эспирито Санту ҳисобланади.
Римликлар аллақачон мутахассис билан алоқада; унга икки йиллик шартнома таклиф қилинган. Бундан ташқари, “Рома” раҳбарияти Италия футболида энг юқори ўринларни эгаллаши мумкин бўлган улкан лойиҳани қуришни ваъда қилмоқда.
АПЛ 37 туридан сўнг “ўрмончилар” 65 очко билан 7-ўринда бормоқда. Римликлар А Серия турнир жадвалида 66 очко тўплаган ҳолда 5-поғонани эгаллаган.
