Родриго фаолиятини Премьер-лигада давом эттириши мумкин
Футбол
Насрулло Каримов
Журналист
ФОТО: Getty Images
Лондоннинг “Челси” клуби “Реал” ҳужумчиси Родригони атрофидаги вазиятни диққат билан кузатиб бормоқда ва ёзги трансферлар вақтида ўз сафига қўшиб олмоқчи. Бу ҳақда Goal нашри хабар бермоқда.
Манбага кўра, “аристократлар” “Реал” билан ҳали расмий музокараларни бошламаган, бироқ 24 ёшли футболчининг вакиллари билан алоқа ўрнатган.
Маълумот учун, Родриго жорий мавсум барча турнирларда 50 та ўйинда майдонга тушиб, 13 та гол урди ва 10 та голли узатмани амалга оширди. Унинг Transfermarkt’даги нархи 100 миллион евроға баҳоланмоқда.
