Рикельме Клоппни «Реал»га олиб келади – Романо
«Реал» президентлигига номзод Энрике Рикельме бош мураббий сифатида Юрген Клоппни тайинламоқчи, деб хабар берди инсайдер Фабрицио Романо.
«Энрике Рикельме тез орада ўзи кўришни истаган янги мураббий номини эълон қилади... Ва яна, манбаларнинг менга айтишича, бу Юрген Клопп бўлиши керак.
Флорентино Переснинг номзоди – Жозе Моуринью, бу аллақачон расман тасдиқланган. Соҳадаги манбалар Юрген Клоппни Энрике Рикельме таклиф қиладиган эҳтимолий номзод сифатида тилга олишмоқда, аммо у ўзининг стратегияси ва номлари ҳақида мухлисларга ўзи айтиб беради, шунинг учун кутамиз», – деди Романо ўзининг Youtube-каналида.
Аввалроқ, Мадриднинг «Реал» клуби 7 июнь, якшанба куни бўлиб ўтадиган президентлик сайловлари санасини эълон қилганди. Сайловларда икки номзод – амалдаги президент Флорентино Перес ва испаниялик тадбиркор Энрике Рикельме иштирок этади.
