Решфордни ирқий жиҳатдан камситган мухлис 4 минг евро жаримага тортилиши мумкин
Ушбу ҳолат Ла Лиганинг 6-турида содир бўлган.
ФОТО: Getty Images
Испаниянинг зўравонлик, ирқчилик ва тоқатсизликка қарши кураш бўйича давлат комиссияси «Барселона» ҳужумчиси Маркус Решфордни ирқий асосда ҳақорат қилган мухлиска 4 минг евро миқдорида жарима солиши мумкин. Бу ҳақда Cadena Ser нашри хабар берди.
Маълум қилинишига, ушбу ҳолат Ла Лига 6-туридан ўрин олган «Барселона» ва «Овьедо» (1:3) учрашуви вақтида содир бўлган.
Решфорд ўтган ёзда «Манчестер Юнайтед»дан «Барселона»га ижара асосида ўтган эди. Англиялик футболчи жорий мавсумда барча мусобақаларда 13 та ўйинда майдонга тушиб, 5 та гол урди ва 7 та голли узатма берди. Transfermarkt маълумотига кўра, унинг бозор қиймати 40 миллион еврога тенг.
Насрулло Каримов
Журналист
