Рэшфорд: «Барселона»да қолишни хоҳлайман»
«Барселона» сафида ижара асосида тўп сураётган инглиз ҳужумчиси Маркус Рэшфорд ўзининг келажакдаги режаларига тўхталиб ўтди. 28 ёшли футболчи каталонияликлар сафида 2025/2026 йилги мавсум якунигача «Манчестер Юнайтед»дан ижара асосида ҳаракат қилмоқда.
«Албатта, мен «Барселона»да қолишни хоҳлайман. Бу — якуний мақсад, бироқ мени тинимсиз ишлашга ва бор кучимни сарфлашга ундаётган ягона омил эмас. Асосий мақсад — ғалаба қозониш. «Барселона» жуда катта ва буюк клуб бўлиб, у совринлар ютуш учун яратилган», — дея Рэшфорднинг сўзларини келтиради Sport.es.
Маълумот учун, Маркус Рэшфорд 2025 йил июл ойидан буён «Барселона» сафида ижара асосида тўп сурмоқда. Жорий вақтга қадар барча мусобақаларда 24 та учрашувда майдонга тушган ҳужумчи «кўк-анорранглилар» сафида 7 та гол ва 11 та голли узатмага муаллифлик қилган.
