Рэшфорд «Барселона»да қолиши мумкин
Бу ҳақда BBC журналисти Саймон Стоун X ижтимоий тармоғида хабар берди.
ФОТО: Getty images
Каталониянинг «Барселона» клубида қанот ҳужумчиси Маркус Рэшфорд борасида қарор қабул қилиш учун икки ҳафта вақт бор.
15 июнга қадар «кўк-анорранглилар» вингернинг «Манчестер Юнайтед» билан шартномасини сотиб олиш бандини фаоллаштириш ёки фаоллаштирмасликни ҳал қилишлари керак. Бу ҳақда BBC журналисти Саймон Стоун X ижтимоий тармоғида хабар берди.
Манбанинг таъкидлашича, Энтони Гордоннинг «Барселона»га ўтиши кутилаётгани клуб раҳбариятининг Маркус борасидаги қарорига таъсир қилмайди. 2025/2026 йилги мавсумда Рэшфорд «Барселона» сафида барча турнирларда 48 та ўйинда иштирок этиб, 14 та гол ва 14 та голли узатмага муаллифлик қилган.
Transfermarkt порталида келтирилган маълумотларга кўра, футболчининг бозор қиймати 40 миллион еврони ташкил этади
Розикжон Султонмуродов
Журналист
