\"Реал\"нинг яна бир эраси тугадими?
“Реал”нинг яна бир эраси тугадими? “Мадрид” кўпчиликнинг башоратини амалга ошира олмасдан, биринчи ўйин натижасини ўзгартира олмади, камига иккинчи ўйинда ҳам зарба қабул қилиб олди. Чемпионлар лигасидаги “Арсенал”дан учралган мағлубият Карло Анчелотти билан ширин муносабатларни якунига етказиши мумкин.
Учрашувдан кейin италиялик мутахассис келажаги борасидаги саволга қисқа ва лўнда жавоб берди:
“Келажак?, билмайман ва билишни ҳам хоҳламайман”
Мураббий келажаги ҳақида нима дейиш мумкин? Уч карра чемпионлар лигасини ва икки карра клублар ўртасидаги жаҳон чемпионатини ютган Карло дода ёзгача клуб скамейкасида ўтириши мумкин ва Америкадаги турнирда қатнашиши эҳтимоли ҳам йўқ эмас. Икки чемпионлик, уч марта европа суперкубоги, икки марта копа дел рей, икки марта Испания супер кубоги ва халқаро кубоклар? Шунчаки, ҳамма ҳаммаси учун раҳмат.
Энди кейинги саҳифани очиш, жамоани қайта қуриш, ғалабаларга тайёрлаш вақти келди. Ким билан дейсизми, балки Хаби Алонсо биландир? Буниси энди вақт кўрсатади.
Карло Анчелотти яна икки соврин ютиб олиш имкониятига эга бўлиши мумкин. Биринчиси, Испания кубоги финалида “Барселона”ни мағлуб қилиш орқали келса, иккинчиси Ла лигада чемпион бўлиш (турнир жадвалида "кўканоррангликлар"дан орқада бормоқда). Кўриб турибсизки, ҳар иккисида ҳам каталонияликлар билан жанг қилишига тўғри келади. Ана шундагина “қария” Карло дода фаолиятини чиройли якунлаши мумкин бўлади.
Воқеалар ривожи қандай тус олишини кузатамиз, балки ҳаммаси тезда содир бўлар, балки бундай бўлмас. Ҳаммасини вақт кўрсатади
